Juventus marru għand Spezia u għelbuhom bl-iskor ta’ 2-0 biex telgħu fis-seba’ post minkejja li tnaqqsulhom 15-il punt.
Iż-żewġ goals waslu minn Moise Kean (32) u Angel Di Maria (66).
Atalanta v Lecce – Atalanta f’darhom ġew sorpriżi minn Lecce bl-iskor ta’ 2-1 biex ħadu skoss qawwi fit-tentattiv li jkomplu jisfidaw għal post mal-ewwel erbgħa.
Il-goals tal-viżitaturi waslu minn Assan Ceesay (4) u Alexis Blin (74) filwaqt li Rasmus Hojlund (87) naqqas il-marġni għall-Bergamaschi.
Salernitana v Lazio – Lazio marru għand Salernitana u ħarġu rebbieħa bl-iskkor ta’ 2-0.
Il-protagonista kien Ciro Immobile (60, 69 pen) li skorja ż-żewġ goals filwaqt li Luis Alberto (90) falla penalty wara li Matteo Cancellieri twaqqa’ fil-kaxxa.
Il-protersti ħorox ta’ Dylan Bronn (89) għal dan il-penalty swewlu l-karta l-ħamra.
Fiorentina v Empoli– Fiorentina laqgħu lil Empoli u ġew miżmuma fi draw ta’ 1-1.
Kienu dawn tal-aħħar li fetħu l-iskor minn Nicolo Cambiaghi (28) filwaqt li Arthur Cabral (85) salva r-riżultat għall-Viola.
