Sliema Beach Soccer għaddew għall-finali tal-Kampjonat tal-Beach Soccer femminili wara li għelbu lil Parr Mela Rockets Beach Soccer 7-6. Kif jindika l-iskor kienet logħba ferm bilanċjata u inċerta bil-konfront li saħansitra kellu jmur għall-ħin barrani sabiex jiġi dikjarat ir-rebbieħ hekk kif l-iskor sal-ħin regolamentari kien 6-6.
Aktar qabel l-istess Slimiżi rebħu 14-2 lil Skill and Passion sabiex waslu għal din il-fażi.
Issa Sliema se jkunu qed jilagħbu kontra Birkirkara Beach Soccer fil-finali li se tintlagħab nhar it-Tnejn li ġej fis-7.15pm fil-Bajja s-Sabiħa f’Birżebbuġa.