Friday, April 19, 2024

Sommer iħares biex jikser rekord tas-Serie A ta’ Buffon

Aqra wkoll

Il-goalkeeper ta’ Inter, Yann Sommer, għandu ċ-ċans jegħleb lil-leġġendarju ta’ Juventus, Gianluigi Buffon, u lill-goalkeeper ta’ Lazio, Ivan Provedel, fit-tentattiv tal-iktar clean sheets fis-Serie A.

Il-goalkeeper Svizzeru ta’ 35 sena ngħa­qad man-Nerazzurri fis-sajf li għadda mingħand Bayern Munich fi ftehim ta’ ħlas baxx, biex jieħu post Andre Onana wara t-trasferiment ta’ profil għoli ta’ dan tal-aħħar ma’ Manchester United.

Sommer mill-ewwel impressjona ma’ Inter u kompla jibbrilla matul dan l-istaġun, għalkemm ħalla xi ftit ta’ xewqat mixtieqa fit-telfa sofferta bl-għoti tal-penalties taċ-Champions League kontra Atletico Mad­rid nhar l-Erbgħa li għadda biex sfaw eliminati.

F’faċċata ta’ wieħed mill-ġurnali Taljani ta’ nhar is-Sibt, ingħataw dettalji dwar kif Sommer għandu ċ-ċans li jikser ir-rekord tal-aktar clean sheets fi staġun wieħed tas-Serie A, wara li diġà kiseb 17 meta fadal 10 partiti tas-Serie A x’jintlagħbu.

Ir-rekord ta’ clean sheets fi staġun ta’ kampjonat wieħed huwa ta’ 21, stabbilit minn Fabio Cudicini ma’ Milan, Sebastiano Rossi ma’ Milan ukoll, Buffon ma’ Juventus, Morgan De Sanctis ma’ Roma u Provedel ma’ Lazio.

Sommer issa jeħtieġ biss li jżomm ħames clean sheets oħra matul l-10 logħbiet tas-Serie A li fadal biex jieħu r-rekord mhux ikkontestat.

Sport