Tewmin ta’ 39 sena residenti Ħal Qormi tressqu l-Qorti mixlija li heddew lill-ġenituri għax riedu l-flus għad-droga.
Iż-żewġt irġiel, li m’għandhomx impjieg, kienu mixlija li kkaġunaw vjolenza morali fuq il-ġenituri u heddewhom fir-residenza tagħhom.
Id-Difiża argumentat li l-missier għamel rapport falz u allegatament din kienet tpattija. Sussegwentement saret talba għall-ħelsien mill-arrest tal-imputat bil-Prosekuzzjoni toġġezzjona filwaqt li qalet li ma rriżultax li dan kien każ ta’ rapport falz.
Il-Maġistrat Kevan Azzopardi ċaħad it-talba għall-ħelsien mill-arrest u ħareġ ordni ta’ protezzjoni favur il-ġenituri.
