Tiħrax it-taqtiegħa għall-pożizzjonijiet

Minn Cristian Muscat

llum u nhar is-Sibt tintlagħab is-16-il ġurnata jew aħjar l-aħħar ġurnata tal-Closing Round hekk kif qed tiħrax it-taqtiegħa għall-pożizzjonijiet,  kemm għat-timijiet ta’ fuq kif ukoll għal dawk tan-naħa t’isfel.

Il-mistoqsija fin-naħa ta’ fuq hija liema team se jispiċċa fit-tieni post – Hamrun Spartans jew Marsa­xlokk hekk kif l-Ispartans jilagħbu kontra Valletta filwaqt li Marsaxlokk jaffrontaw lil Naxxar Lion.

Fil-veritá, fuq il-karta jidher li Marsaxlokk għan­d­hom partita eħfef minn dik ta’ Hamrun minħabba li dawn tal-aħħar iridu jilagħbu kontra l-Beltin.

L-għan ta’ dawn tal-aħ­ħar hu li jegħlbu jew iżommu lill-Ispartans fi draw u jittamaw li Marsa­xlokk jegħlbu lil Naxxar Lions, fit-tentattiv li jġorru magħ­hom lil Valletta fis-semi-finali. 

Jekk min-naħa l-oħra, Hamrun jirbħu lil Valletta u Marsaxlokk jonqsu milli jagħmlu dan kontra Nax­xar Lions, allura l-Ħamruniżi jispiċċaw fit-tieni pożizzjoni u jilagħbu fil-Finalissima kontra Floriana.

Jekk, Hamrun Spartans u Marsaxlokk jirbħu l-partita tagħhom, it-tnejn jis­piċċaw bl-istess ammont ta’ punti u jkun jeħtieġ li tintlagħab partita deċiżiva bej­niethom biex jiġi konfermat it-team fit-tieni post.

B’hekk ikun magħ­ruf l-eżitu finali tal- kampjonat  … jew finali jew inkella żewġ semi-finali.

In-naħa t’isfel tal-klassifika wkoll għandha sitwaz­zjoni mill-aktar interessanti.

Jidher li Mosta, li jinsabu fl-aħħar post tal-klassifika, se jkunu nvoluti fir-Re­legation Play-Off.

Is-sitwazzjoni hija ftit kumplessa.  Dan minħabba li jekk Mosta jegħlbu lil Birkirkara u Tarxien Rainbows u Zabbar St Patrick jitilfu kontra Hibernians ris­pettivament, it-tliet timijiet jispiċċaw bl-istess ammont ta’ punti fl-aħħar post.

Għaldaqstant x’jiġri?

Mosta li għandhom l- agħar rekord, imorru direttament fir-Relegation Play-Off filwaqt li  tintlagħab play-off bejn bejn Zabbar u Tarxien.

Jekk Zabbar joħorġu reb­bieħa, Tarxien jiġu matematikament relegati min­ħabba li fl-Opening Round spiċċaw fl-aħħar post, filwaqt li Zabbar ikunu salvi.

Jekk ikunu r-Rainbows li joħorġu rebbieħa, jintlagħbu s-semi-finali bejn  erba’ timijiet li jinkludu lil Naxxar Lions,  li minkejja fil-Closing Round qed jilagħbu fit-Top Six, fl-Opening Round tem­mew fil-post ta’ qabel l-aħħar.  

Jekk min-naħa l-oħra, dawn it-tliet timijiet jirbħu l-partita tagħhom tal-programm tal-lum, Mosta jmorru direttament fir-Re­legation/Promotion Play-Off. Imbagħad tintlagħab play-off bejn Zabbar SP u Tarxien Rainbows.

It-team li jingħaqad magħ­hom ikun it-tellief bejn Mosta u Naxxar Lions.

Jekk, min-naħa l-oħra, ikunu Tarxien li joħorġu rebbieħa, ikun ifisser li Zabbar itemmu fil-post ta’ qabel l-aħħar u għal­daqs­tant ikun jeħtieġ li jintlagħbu s-semi-finali bejn l-erba’ timijiet.

Players sospiżi:

Birkirkara: Manuel Ignacio Morello.

Floriana: Myles Beerman, Rui Manuel Linhares Areias.

Naxxar L.: Gustavo Feli­pe De Campos Goncal­ves, Matthias Debono, Vinicius Ferreira De Jesus.

Sliema W. : Gustavo Alcino, Thiago Espindola De Paula.

Zabbar SP: Izaak Etim Akpan, Bruno Miguel Go­mes Figueiredo.

*Id-dati tal-possibbiltá tal-play-offs:

5 ta’ Mejju (forsi):

Hamrun S. v Marsaxlokk

Finalissima

9 ta’ Mejju – (3.30 pm)

Hamrun S. v Marsaxlokk

Semi-finali (forsi)

9 ta’ Mejju

Semi-finali (1) – 3.30 pm

Semi-finali (2) – 7.00 pm

It-Tielet post

15 ta’ Mejju (7.00 pm)

Finali

16 ta’ Mejju (3.30 pm)

Relegation Play-Offs

10 ta’ Mejju

Play-Off 1 – (11.00 am)

Play-Off 2 – (11.00 am)