Raġel ta’ 34 sena mil-Libja magħruf sew mal-pulizija fl-aħħar sigħat tressaq mill-ġdid quddiem il-Qorti fejn din id-darba ġie akkużat li ħebb u stupra lis-sieħba tiegħu.
Il-Prosekuzzjoni qalet li waqt li kien qiegħed jiġi arrestat hu ħebb ukoll għall-kuntistabbli tal-Pulizija.
Hekk kif beda jinstema l-każ, minkejja l-akkużi kontrih, is-sieħba tiegħu qalet quddiem il-Maġistrat Leonard Carunali tixtieq taħfirlu. Hu għandu diversi kawżi pendenti fosthom b’rabta ma’ pussess tad-droga kannabis u kokaina.
L-akkużat wieġeb mhux ħati.
Il-Prosekuzzjoni qalet quddiem il-Maġistrat Caruana li l-arrest tal-Libjan sar wara li l-pulizija kienet informata li kien hemm mara li marret fiċ-Ċentru tas-Saħħa tal-Furjana u kienet qiegħda tallega li qalet xeba’ mingħandu. Allegat ukoll li kien stupraha darbtejn.
Fix-xhieda tagħha, il-mara qalet li tixtieq li twaqqa’ l-każ. Fost l-oħrajn qalet li kienu ilhom flimkien 11-il sena, jorqdu u jqumu flimkien, l-imputat ħariġha minn ħafna problemi u anke qed jiffaċjaw akkużi flimkien fil-Qorti.
Il-Maġistrat Leonard Caruana se jagħti deciżjoni fil-jiem li ġejjien, filwaqt li r-raġel baqa’ jinżamm arrestat.
Għar-raġel dehru l-avukati Franco Debono u Marion Camilleri.
Għall-vittma deher l-avukat Arthur Azzopardi.
