Il-Malta Blackball Pool Federation organizza l-ewwel Ranking Finals ta’ Tour 1, parti minn sensiela ta’ ħames tournaments ta’ klassifikazzjoni, fil-Juventus Club Vero Amore Malta, fejn intlagħbu tliet finali ta’ livell għoli fil-kategoriji differenti.
Fil-finali tal-kategorija tal-irġiel, Johan Attard kellu wirja mill-aqwa biex għeleb lil Miguel Mizzi 10-5. Fil-finali tal-Coop Services ta’ taħt it-23 sena, Chaylon Castaldi għeleb lil Steven Muscat bl-iskor ta’ 10-8 wara konfront missielet. Sadanittant, Jake Castaldi ddomina l-finali tal-Coop Services Under 18, meta rebaħ lil Denzel Falzon bl-iskor konvinċenti ta’ 8-1.
Il-Federazzjoni ferħet lir-rebbieħa kollha, li bis-suċċess tagħhom mhux biss rebħu t-titlu tat-Tour 1, iżda wkoll kisbu post fit-timijiet nazzjonali rispettivi li se jirrappreżentaw lil Malta fil-Kampjonati tad-Dinja tal-2026, li se jsiru f’Londra.
