Friday, March 1, 2024

Tonqos l-inflazzjoni fir-Renju Unit

Aqra wkoll

L-inflazzjoni fir-Renju Unit f’Novembru niżlet għall-inqas livell tagħha għal aktar minn sentejn. Dan it-tnaqqis fl-inflazzjoni kien dovut l-aktar għal roħs fil-prezzijiet tal-fjuwil.

Il-prezzijiet żdiedu bi 3.9% sa Novembru, li juri tnaqqis minn 4.6% f’Ottubru.

It-tnaqqis fil-prezzijiet tal-ikel, inkluż l-għaġin, il-ħalib u l-butir, kif ukoll għall-oġġetti tad-dar ikkontribwew għal waqgħa fl-inflazzjoni.

Iżda filwaqt li l-inflazzjoni, li hija r-rata li l-prezzijiet jogħlew biha, hija ferm ‘l isfel mill-ogħla livell tagħha fl-2022, għadha kważi d-doppju tal-mira ta’ 2% tal-Bank of England.

Tnaqqis fl-inflazzjoni ma jfissirx li ħafna mill-prezzijiet ta’ oġġetti u servizzi huma orħos, iżda pjuttost li l-prezzijiet qed jogħlew b’inqas għaġġla.

Grant Fitzner, ekonomista ewlieni fl-Uffiċċju għall-Istatistika Nazzjonali (ONS), qal li filwaqt li l-inflazzjoni tar-Renju Unit reġgħet naqset, “il-prezzijiet jibqgħu sostanzjalment ogħla” minn dak li kienu qabel l-invażjoni tar-Russja fl-Ukrajna.

Impatt kbir wara li faqqgħet il-gwerra kien li l-prezzijiet globali taż-żejt żdiedu fl-2022, u mbottaw ‘l fuq il-prezzijiet tal-petrol u tad-diżil għal livelli rekord.

Ekonomija

Sport