Meta ntlagħab l-aħħar programm tal-ewwel ġurnata tal-Fażi tal-Kampjonat tal-UEFA Champions League, Bayern Leverkusen jieħdu l-unuri hekk kif irreġistraw l-akbar rebħa meta, fl-Olanda, għelbu lil Feyenoord 4-0.
Feyenoord v Leverkusen – Barra minn darhom Bayer Leverkusen meta rebħu lil Feyenoord bl-iskor ta’ 4-0.
Huma aċċertaw ir-rebħa sal-mistrieħ b’goals minn doppjetta ta’ Florian Wirtz (5, 36), Alex Grimaldo (30) u auto-goal ta’ Timon Wellenreuther (45).
Red Star v Benfica – Benfica marru s-Serbja u għelbu lil Red Star Belgrade bl-iskor ta’ 2-1. Huma fetħu vantaġġ ta’ żewġ goals minn Muhammed Kerem Akturkoglu (9) u Orkun Kokcu (29) filwaqt li Felicio Milson (86) naqqas il-marġni għat-team ospitu.
Atalanta v Arsenal – F‘partita li ma laħqitx l-aspettattivi mixtieqa Atalanta laqgħu lil Arsenal u temmew fi draw ta’ mingħajr goals, bl-eroj tal-Gunners ikun il-goalkeeper, David Raya, li laqa’ l-penalty mogħti minn Mateo Retegui fil-51 minuta.
Atletico Madrid v Leipzig – Atletico Madrid għelbu lil Leipzig bl-iskor ta’ 2-1 bl-iskorers ikunu Antoine Griezmann (28) u Jose Maria Jimenez (90+2) wara li Benjamin Sesko (4) fetaħ l-iskor għall-Ġermaniżi.
Brest v Sturm Graz – Brest għelbu lil Sturm Graz 2-1 bil-goals jaslu minn Hugo Magnetti (23) u Abdallah Sima (56) filwaqt li Sturm wieġbu b’autogoal ta’ Edmilson Fernandes (45).
Monaco v Barcelona – Monaco ssorprendew lil Barcelona meta laqgħuhom u rebħulhom bl-iskor ta’ 2-1, b’goals minn Maghnes Akliouche (16) u George Ilenikhena (71) filwaqt li Lamine Yamal (28) irrisponda għal Barca li kellhom lil Eric Garcia (11) imkeċċi.
