Udinese keċċew uffiċjalment lill-coach, Kosta Runjaic, wara bidu diżappuntanti fl-istaġun tagħhom fis-Serie A. Il-coach Ġermaniż ħallas il-prezz għal sensiela negattiva ta’ riżultati, bl-aħħar daqqa tkun it-telfa kbira ta’ 5-2 f’darhom kontra Roma nhar is-Sibt.
Udinese kisbu biss ħames punti mill-ewwel 10 logħbiet tal-kampjonat, b’rebħa waħda biss u seba’ telfiet fl-aħħar tmien ħarġiet tagħhom.
Il-club ikkonferma t-tluq ta’ Runjaic wara aktar minn sentejn fit-tmexxija, filwaqt li rringrazzjah u lill-istaff tekniku tiegħu għall-ħidma tagħhom.
Il-coach, Paolo Zanetti, li fil-passat mexxa lil Verona, Empoli u Venezia, inħatar minfloku b’kuntratt validu sa Ġunju 2027.
