John McEnroe ġie kkritikat minn diversi partitarji tat-tennis wara kummenti dwar Mariano Navone, li għeleb lil Novak Djokovic fl-ewwel round tal-US Open.
Navone kiseb l-akbar rebħa tal-karriera tiegħu, meta għeleb lir-rebbieħ ta’ 24 Grand Slams, f’ħames sets. Djokovic kellu problemi fiżiċi serji u saħansitra rremetta waqt il-logħba.
McEnroe ċċajta li Navone kien se jilgħab it-tieni round fuq “Court 21”, minkejja li l-US Open m’għandux court b’dan in-numru.
Il-kumment kien maħsub biex jenfasizza d-differenza fil-popolarità bejn iż-żewġ players, iżda xi partitarji qiesuh bħala diżrispett lejn Navone.
Ir-rebħa ta’ Navone kienet waħda mill-akbar sorpriżi fl-istorja riċenti tal-US Open. Djokovic qatt ma tilef fl-ewwel round ta’ Grand Slam mill-2006 u qatt qabel ma kien ġie eliminat fl-ewwel round fi New York.
Wara l-logħba, Djokovic żvela li problemi bħal remettar, bugħawwieġ u uġigħ fil-ġisem affettwawh matul is-sena kollha.
It-telfa temmet it-tentattiv tiegħu li jirbaħ rekord ta’ 25 titlu tal-Grand Slam.
