Arsenal għandhom objettiv wieħed, dik li jġibu lill-attakkant ta’ Sporting Lisbon Victor Gyokeres lejn l-Emirates Stadium.
Gyokeres għandu 26 sena u hu ta’ nazzjonalita’ Żvediża. S’issa hu diġa skorja 32 gowl staġjonali tul il-35 logħba li ħa sehem fiha. Riċentement scouts tal-Gunners marru jaraw lill-plejer fil-Portugall fejn baqgħu impressjonati bil-kalibru tiegħu.
Anke l-kowċ Mikel Arteta hu favorevoli għal dan l-objettiv li f’dawn l-aħħar jiem issupera dak inizjali ta’ Victor Osimhen li kien qed jissemma’ li jista’ jmur jilgħab f’Londra.
