Walter Arciola huwa l-President il-ġdid ta’ Sliema Wanderers FC, b’Andrea Zammit Tabona maħtur bħala Viċi President u Alex Muscat Segretarju tal-Klabb.
Sliema laqgħu ukoll il-Kumitat li għadu kif inħatar hekk kif qed jibdew kapitlu ġdid eċċitanti għall-klabb.
Fi stqarrija, huma qalu li b’ambizzjoni mġedda u viżjoni kondiviża għall-futur, qed iħarsu ’l quddiem biex jibnu fuq l-istorja kburija tagħhom u jmexxu lil Sliema Wanderers FC ’il quddiem.
Huma awguraw lill-President Walter Arciola, lill-Kumitat, u lill-uffiċjali kollha tal-klabb kull suċċess fir-rwoli l-ġodda tagħhom.
