Illum fil-Pjazza tas-Siġġiewi, qed tiġi organizzata wirja ta’ vetturi vintage, Amerikani u trakkijiet. Wirja li bla dubju ta’ xejn qed tqanqal ċertu memorji fost dawk li huma midħla sew jew għandhom għal qalbhom dawn it-tip ta’ vetturi.
Dan kollu fl-isfond tal-atmosfera sabiħa li hemm f’din il-pjazza, fejn ma jonqosx ukoll l-ikel u l-mużika li kkumplimentaw din l-attività.
Din il-wirja qed tiġi organizzata mill-Grupp tal-Armar tas-Siġġiewi li huwa responsabbli jarma l-armar tal-parroċċa fi żmiem il-festa titulari ta’ San Nikola li tiġi ċċelebrata fl-aħħar Ħadd ta’ Ġunju.
