Hekk kif qiegħed joqrob aktar il-Milied, u matul il-ġimgħa jkun hemm diversi attivitajiet, Gordon Grech mill-Aġġronament tat-Temp qiegħed jindika li ftit li xejn jista’ jkun hemm xita.
Fil-fatt, għada t-Tnejn it-Temp mistenni jkun ftit imsaħħab li jissaħħab ħafna kultant bil-possibilità ta’ xi ħalbiet tax-xita. Ir-riħ se jkun mill-Grigal forza 5 għal 4. It-temperatura se tkun ta’ 17°C filwaqt li l-inqas 11°C
Imbgħad it-Tlieta t-temp se jkun ftit imsaħħab b’riħ jibqa’ mill-Grigal forza 5, iżda jinżel għal forza 3 waranofsinhar. L-ogħla temperatura tkun 17°C filwaqt li l-inqas 10°C
L-Erbgħa, ir-riħ idur Majjistral forza 3 b’temp ftit imsaħħab filwaqt li l-ogħla temperatura tkun 18°C u l-inqas 12°C. Il-Ħamis 19 ta’ Diċembru r-riħ mill-Majjistral jitwaqqaf għal forza 4 u jitla’ wkoll forza 5 filwaqt li t-temp jibqa’ ftit imsaħħab b’temperatura tkun 18°C u l-inqas 12°C.
Tmiem il-ġimgħa li ġej, fejn madwar il-pajjiż mistenni li jkun hawn diversi attivitajiet it-temp ikun ftit imsaħħab li jissaħħab ħafna kultant bil-possibilità ta’ xi ftit xita, b’riħ qawwi forza 6 mill-Majjistral. L-ogħla temperatura tmiss 17°C u l-inqas 10°C.
Is-Sibt imbgħad ikompli jitqawwa r-riħ mill-Majjistral forza 6 għal 7 li jnaqqas mas-sebħ b’temperatura tkun 17°C u l-inqas 11°C.
Il-Ħadd imbgħad it-temp ikun ftit imsaħħab li jissaħħab ħafna wara nofsinhar bil-possibilità ta’ xi ftit xita filgħaxija. Riħ mix-Xlokk forza 3 għal 4 b’temperatura ta’ 18°C filwaqt li l-inqas 13°C.
