Żewġ minuri ta’ 16 u 13-il sena ndarbu wara li l-karozza li kienu fiha, tat-tip Kia Picanto, ħabtet f’binja abbandunata f’Ħ’Attard.
L-inċident seħħ il-Ħamis, għall-ħabta tat-3.00 a.m., fi Triq il-Kbira.
Il-Pulizija kif ukoll tim mediku marru minnufih fuq il-post sabiex jassistu, biż-żewġ minuri jittieħdu l-Isptar Mater Dei b’ambulanza.
Aktar tard, il-ġuvni ta’ 16-il sena ġie ċċertifikat bi ġrieħi ħfief filwaqt li l-ieħor ġie ċċertifikat bi ġrieħi gravi.
L-investigazzjonijiet tal-Pulizija b’rabta ma’ dan l-inċident għadhom għaddejjin.
