“Wara 12-il siegħa xogħol lestejtek Jean, kull sekonda npenġik bdiet tfakkarni fil-memorji ta tfulitna”, Iddikjarat dan ftit tas-sigħat ilu Kelly Scerri de Carlo filwaqt li spjegat li b’qalbha maqsuma rnexxielha tpenġih sakemm aktar kmieni llum kellha ssellimlu għall-aħħar darba.
Hija rringrazzjatu tal-memorji sbieħ li kellhom u għalkemm ma kienx ħaqqu hekk, id-destin ħadd ma jbiddlu.
Kopja tal-istess pittura kienet fl-entratura tal-Knisja Parrokjali tas-Swatar dalgħodu fejn folla kbira ta’ nies attendew biex isellmu għall-aħħar darba lil Jean Paul Sofia.