“Kemm kont żbaljata jaħasra, kemm nixtieq kont naf li llum ma joqogħdux mingħajr xulxin! Kemm kont niffranka dwejjaq żejda kieku kont naf li binti tħares lejn ħuha bħala l-iktar ġawhra prezzjuża li tista teżisti fid-dinja”.
“Meta kont qegħda naħseb għat-tieni tarbija, f’moħħi ħsibt li tkun idea tajba sabiex binti ma tibqax weħidha speċjalment meta aħna bħala ġenituri nikbru. Meta twieled ibni sirna nafu li twieled bid-Down Syndrome u għalhekk bdejt naħseb li flok ġie xi ħadd biex tilgħab miegħu, kien se jkun ta’ xkiel f’ħajjitha”.
Dan qalitu omm iċ-ċkejken Adam fuq il-mezzi tal-midja soċjali, fejn irrakontat li ftit wara li welldet lil Adam, minħabba l-kundizzjoni tad-Down Syndrome kellha ttmur l-Isptar, issiefer, tixtri diversi mediċini, terapiji u saħansitra anke NG tube. Qalet ukoll li kienet thewden ħafna dwar il-futur u ġieli kienet issaqsi anke lilha nnifisha jekk għamlitx sew li ġabet it-tieni tarbija.
Enfasizzat il-fatt li minkejja li bintha taf, li ħuha Adam għandu l-bżonnijiet, dan ma jwaqqafiex milli tħobbu, tgħallmu u tilgħab miegħu bil-paċenzja kollha. Temmet tgħid;”Ta’ aħwa li huma ġieli jiġġieldu wkoll pero kull filgħodu nirringrazzja l’Alla li ibni għandu lil binti bħala oħtu u ma nixtieq xejn differenti milli għandi”
