Tifel ta’ seba’ snin minn Kalifornja, irnexxielu jsalva tifel ta’ tliet snin li sab diffikulta waqt li kien qed jgħum. Mingħajr l-għajnuna tiegħu żgur li t-tifel iż-żgħir kien jegħreq.
Il-każ seħħ il-ġimgħa l-oħra meta t-tifel mar biex jgħum fil-pixxina li hemm fil-kumpless tal-appartamenti fejn jgħix. Hekk kif niżel u beda jilgħab, induna li kien hemm tifel ieħor fil-qiegħ tal-pixxina u li dan ma kienx qed jiċċaqlaq.
Kif ra hekk, għodos fil-qiegħ biex ikun jista’ jtella’ lit-tifel fil-wiċċ. Kif irnexxielu jagħmel dan, laħqet ġiet tifla ta’ disa’ snin li għenitu u t-tnejn flimkien ħarġuh mill-ilma.
Sadanittant xi nies oħra li laħqu din ix-xena ċemplu għall-ambulanza immedjatament u niżlu jgħinu lit-tfal. Omm it-tifla tat is-CPR lit-tifel bie tgħinu jerġa’ jibda jieħu n-nifs u kif waslet l-ambulanza, it-tifel ittieħed l-isptar għal aktar kura.
Il-ġenituri tat-tifel verameent ħassewhom kburin bih li kien kapaċi jsalva l-ħajja ta’ dan it-tfel mingħajr ma ħasibha darbtejn li seta’ jkun f’periklu għalih innifsu wkoll.