L-Ukrajna ressqet ilment formal lill-kumitat tal-etika tal-FIA wara d-deċiżjoni li titneħħa l-projbizzjoni fuq kompetituri Russi u Belarussi fil-motorsport internazzjonali.
Il-Federazzjoni Ukrena tal-Karozzi (FAU) talbet investigazzjoni urġenti dwar il-Federazzjoni Russa tal-Karozzi (RAF), li allegatament fetħet uffiċċini f’żoni tal-Ukrajna okkupati mir-Russja, fosthom il-Krimea, Sevastopol u partijiet ta’ Donetsk u Zaporizhzhia.
Il-FAU tgħid li dan jikser ir-regoli tal-FIA, li jippermettu federazzjoni waħda biss għal kull pajjiż.
Hija talbet ukoll li dawn l-uffiċini jingħalqu immedjatament u li r-RAF tiġi sanzjonata.
Il-projbizzjoni kienet ilha fis-seħħ mill-invażjoni Russa tal-Ukrajna fl-2022.
