University of Malta Futsal kisbu t-tielet rebħa konsekuttiva tagħhom meta għelbu lis-selezzjoni U17 tal-Malta FA bl-iskor ta’ 12-0, biex komplew bil-bidu perfett tagħhom fil-kompetizzjoni. Jhon Andersson Castro Pulido ġie magħżul bħala l-Go & Fun Plejer tal-Logħba.
Marsaskala Legends kisbu t-tieni rebħa konsekuttiva tagħhom meta għelbu lil Birkirkara AFC 4-2. Minkejja t-telfa, Cristian Alvarez ta’ Birkirkara ġie magħżul bħala l-Go & Fun Plejer tal-Logħba, wara li bil-wirja tiegħu żamm lit-tim tiegħu fil-logħba.
Swieqi United kisbu l-ewwel rebħa tagħhom tal-istaġun wara li għelbu lil Lija Athletic 10-3. Wara t-telfa kontra University of Malta fil-ġimgħa preċedenti, Swieqi rreaġixxew b’wirja konvinċenti. Dylan Labro ġie magħżul bħala l-Go & Fun Plejer tal-Logħba.
Is-selezzjoni U19 tal-Malta FA kisbet l-ewwel rebħa tagħha tal-istaġun meta għelbet lil Naxxar Lions 7-1. Wara żewġ telfiet konsekuttivi, iż-żgħażagħ Maltin kisbu l-ewwel tliet punti tagħhom, b’Zion Micallef Bickle jintgħażel bħala l-Go & Fun Plejer tal-Logħba.
Intant, kollox jinsab lest għall-bidu tal-Enemed Women’s Futsal League, bl-ewwel ġimgħa tal-kompetizzjoni tibda nhar it-Tlieta 13 ta’ Ottubru f’De La Salle College.
Parr Mela Rockets jiltaqgħu ma’ Mġarr United fis-19:00, filwaqt li Birkirkara FC jilagħbu kontra Birżebbuġa St Peter’s fit-20:30.
L-ewwel ġimgħa tkompli l-Erbgħa 14 ta’ Ottubru, meta ċ-champions renjanti Zero Sei jibdew id-difiża tat-titlu tagħhom kontra University of Malta Futsal fit-20:30, ukoll f’De La Salle College.
