Illum, għall-ħabta tal-4:00 a.m., il-Pulizija ġiet infurmata li kien hemm bżonn l-assistenza fi Triq San Ġorġ, San Ġiljan.
Il-Pulizija marret mill-ewwel fuq il-post u hemmhekk irriżulta li ġuvni ta’ 16-il sena kien waqa’ t-taraġ. Huwa ngħata l-assistenza minn tim mediku u ttieħed l-Isptar Mater Dei b’ambulanza.
Aktar tard huwa kien iċċertifikat bi ġrieħi serji. L-investigazzjonijiet tal-Pulizija dwar dan l-inċident għadhom għaddejjin.