“Bħala Ministru tas-Saħħa, nerfa’ r-responsabilità għal tali inkonvenjent. Nerfagħha b’sens ta’ umiltà u niskuża ruħi pubblikament magħkom ilkoll li ġarrabtu esperjenzi simili”
Dan kien il-messaġġ li wassal il-Ministru għas-Saħħa u l-Anzjanità Attiva Jo Etienne Abela fuq Facebook, b’reazzjoni għal messaġġ ta’ persuna mill-pubbliku, fejn spjega s-sitwazzjoni ta’ xi ġralu missieru fl-emerġenza.
Il-Ministru Abela qal li l-pjan biex s-sitwazzjoni fl-emerġenza titjieb issa huwa lest u b’mod immedjat u mingħajr telf ta’ aktar żmien u paroli, ser tibda l-ħidma.
