F’ċerimonja li saret ilbieraħ, il-Protezzjoni Ċivili Maltija ngħataw unur mill-President Tork Recep Tayyip Erdoğan. Huma ngħataw il-Midjala Presidenzjali Torka u l-Ordni tas-Servizz Umanitarju Distint li wettqu fil-pajjiż.
Meta se it-terremot fit-Turkija li ħalla eluf kbar ta’ persuni mejtin, membri tal-Protezzjoni Ċivili kienu minn ta’ quddiem nett biex marru jgħinu fis-salvataġġ.
Jirrappreżenta lil Protezzjoni Ċivili kien hemm l-uffiċjal Kevin Pace li kien imexxi t-tim ta’ ħaddiema li marru f’Malatya fil-Turkija.
Preżenti wkoll kien hemm id-Deputat Kap tal-Ambaxxata Maltija fit-Turkija, is-Sinjura Vella Mamo.
