Illum se tibda l-votazzjoni għall-ħatra tal-karigi taż-żewġ Deputati Mexxejja tal-Partit Laburista, l-amministrazzjoni u l-Eżekuttiv Nazzjonali. Din l-elezzjoni qed issegwi votazzjoni bikrija li saret is-Sibt li għadda għad-delegati li għal xi raġuni ma setgħux jivvutaw fil-jum proprju. F’din l-elezzjoni bikrija kienu vvutaw aktar minn 10% tad-delegati.
Il-votazzjoni se tkompli s-Sibt, bir-riżultati mistennija jitħabbru aktar tard matul il-jum. Il-proċess kollu jiġi fi tmiemu bl-għeluq tal-konferenza ġenerali nhar il-Ħadd li ġej b’diskors mill-Prim Ministru u Mexxej Laburista Robert Abela.
