Dr Naged Magally, wieħed mill-aqwa gynecologist li kien hawn f’pajjiżna, miet l-Erbgħa filgħaxija fejn mill-ewwel mijiet ta’ persuni bdew iħallu l-messaġġi b’kondoljanzi.
Fost il-ħafna messaġġi li nkitbu kien hemm mijiet ta’ ommijiet li kienu sabu għajnuna kbira f’Dr Magally waqt it-tqala tagħhom.
“Ma ninsa’ qatt kemm kont tgħidli biex ma noqgħod ninkwieta…. kont tgħidli ċempel x’ħin trid inti,” kitbet wara mara fuq il-midja soċjali filwaqt li oħrajn irringrazzjawh wara li kien għenhom biex ikollhom l-ulied.
