Wednesday, April 17, 2024

Is-Sibt issir l-64 edizzjoni tal-Għażliet Sportivi Nazzjonali

Aqra wkoll

Ninsabu ftit sigħat biss ‘il bogħod mill-edizzjoni ta’ din is-sena tal-Għażliet Sportivi Nazzjonali organizzati mill-Għaqda Ġurnalisti Sport. Fil-fatt, għada s-Sibt se ssir l-64 edizzjoni li se tkun qed tixxandar diretta fuq TVMSport+ mit-tmienja ta’ filgħaxija ‘il quddiem.

Għal din is-sena se jingħataw b’kollox 12 -il unur li huma:

Sportiv tas-Sena
Sportiva tas-Sena
Żagħżugħ tas-Sena
Żagħżugħa tas-Sena
Uffiċjal tas-Sena
Kowċ tas-Sena
Tim tas-Sena
People’s Choice Award li din is-sena huwa b’100% sms voting li jagħlaq għada s-Sibt f’nofsinhar
Avveniment Internazzjonali tas-Sena li seħħ f’Malta u żewġ rikonoxximent lill-Atleti ta’ Special Olympics
Sport for Social Change Award, li huwa unur ġdid li beda jingħata minn din l-edizzjoni

Fis-serata mistennija jiddaħħlu żewġ membri ġodda fil-Hall of Fame tal-Għaqda Ġurnalisti Sport, lil żewġ ġurnalisti sportivi li taw kontribut kbir tul is-snin.

Is-serata tibda permezz ta’ xandira diretta mid-Dragonara Point Ballroom tal-Lukanda Westin Dragonara b’intervisti mir-Red Carpet immexxija minn Chris Falzon u Lorraine Cunningham.

Il-preżentazzjoni minn fuq l-istage prinċipali se ssir minn Clinton Buhagiar u Janice Briffa.

L-Għażliet Sportivi Nazzjonali għal din is-sena huma appoġjati mill-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni.

Il-Kumitat Eżekuttiv jirringrazzja wkoll lill Bank of Valletta, Enemed, Atlas Insurance, IZIBET, Responsible Gaming Foundation, l-Ambaxxata Franċiża f’Malta, VisitMalta u l-Public Broadcasting Services.

Ekonomija

Sport