Kimi Antonelli niżżel ismu fl-istorja tal-Formula 1 wara li sar l-iżgħar sewwieq li rebaħ il-Kampjonat tad-Dinja, meta assigura t-titlu tal-2026 fil-Grand Prix tal-Belt tal-Messiku.
Is-sewwieq tal-Mercedes, li għandu 20 sena, kiseb it-titlu wara li temm it-tellieqa fit-tielet post, f’kompetizzjoni mirbuħa minn Max Verstappen, segwit minn Lewis Hamilton.
Antonelli kellu bżonn biss jispiċċa fid-disa’ post biex jissiġilla r-rebħ tal-kampjonat, irrispettivament mir-riżultati tar-rivali ewlenin tiegħu.
Minkejja li beda mir-raba’ post fuq il-grid, it-Taljan wera kalma u maturità matul it-tellieqa, li kienet ikkaratterizzata minn inċidenti u interventi tas-safety car.
Dan huwa suċċess straordinarju għal Antonelli fit-tieni staġun tiegħu fil-Formula 1, wara li daħal fix-xena bħala wieħed mill-aktar talenti promettenti tal-isport.
B’dan it-trijonf, Antonelli jikkonferma l-potenzjal tiegħu u jsir l-aktar champion ġdid tal-Formula 1.
U meta fadal erba’ tiġrijiet għat-tmiem, Antonelli għandu 380 punt u ma jistax jintlaħaq hekk kif is-sewwieq li jinsab fit-tieni post, Max Verstappen, għandu 261, segwit minn Lewis Hamilton (259).
