Raġel ta’ 23 sena residenti l-Mosta qed isofri minn ġrieħi serji wara li kien involut f’inċident tat-traffiku fil-Mellieħa.
L-inċident seħħ il-Ħadd, għall-ħabta tal-11.30 p.m., fi Triq Louis Wettinger.
Mill-ewwel stħarriġ irriżulta li r-raġel kien qed isuq Volkswagen Golf u għal xi raġuni tilef il-kontroll, bil-konsegwenza li nqaleb bil-vettura.
Ir-raġel ingħata l-għajnuna minn membri mid-Dipartiment tal-Protezzjoni Ċivili u tim mediku, fejn imbagħad ittieħed l-Isptar b’ambulanza u ġie ċċertifikat bi ġrieħi serji.
L-investigazzjonijiet tal-Pulizija għadhom għaddejjin.