Il-goalkeeper ta’ FC Andorra, Jesus Owono, iddeskriva l-mewt tal-attakkant ta’ Tenerife, Jesus de Miguel, bħala l-aktar mument diffiċli ta’ ħajtu.
De Miguel, ta’ 30 sena, miet wara ħabta ma’ Owono waqt partita mit-Tieni Diviżjoni Spanjola nhar it-Tnejn.
Owono qal li jinsab maħkum minn niket kbir u li bħalissa moħħu biss fil-vittma u fil-familja tiegħu. Sieħbu Lautaro Spatz iddefendieh, u sostna li qatt ma kien iweġġa’ lil ħadd intenzjonalment u li jinsab profondament affettwat bit-traġedja.
FC Andorra osservaw minuta silenzju f’tifkira ta’ De Miguel qabel sessjoni ta’ taħriġ volontarja nhar l-Erbgħa, li għaliha Owono ma attendiex.
