Sliema W. ……..0
Hibernians …….0
F’konfront ferm bilanċjat u akkanit mill-bidu sat-tmiem, Sliema Wanderers u Hibernians temmewh fi draw ġust ta’ mingħajr goals.
Kollox ma’ kollox kienet partita ferm tattika, b’xi waqtiet medjokri u nieqsa mill-emozzjoni.
Sliema Wanderers kellhom lil Jospeh Minala u Geoffrey-Edwin Achempong sospiżi.
Kien fl-14-il minuta li waslet l-ewwel azzjoni denja ta’ nota fil-partita, bil-Pawlisti jkunu huma li joħolqu l-periklu meta free-kick ta’ Claudio Bonanni ġie salvat mingħajr wisq diffikultá mill-goalkeeper tal-Wanderers, Rashed Al Tumi.
Sliema wieġbu fil-25 minuta meta cross-shot insidjuż ta’ Denis Koaou li ġie mblukkat mid-difiża tat-team minn Raħal Ġdid.
Tliet minuti biss wara Vito Plut għas-Slimiżi xeħet cross fid-direzzjoni ta’ Lydon Micallef li iżda ma rnexxilux jagħmel kuntatt mal-ballun, bl-azzjoni tisfuma fix-xejn.
Hibernians irrispondew fit-42 minuta meta l-Grieg Giannis Bastianos avvanza tajjeb fuq ix-xellug iżda kellu x-xutt b’saħħtu tiegħu mdawwar f’corner bi bravura minn Al Tumi.
Il-Pawlisti komplew jiddettaw il-logħob u fil-45 minuta l-istess Giannis Bastanos kellu x-xutt tiegħu salvat parzjalment minn Al Tumi, daħal tajjeb Kurt Shaw iżda l-goalkeeper tal-Wanderers dawwar tajjeb f’corner.
Fil-ftuħ tat-tieni taqsima, Sliema Wanderers ħarġu ferm aggressivi u fis-57 minuta Vito Plut xeħet cross lejn Lydon Micallef li indirizza l-ballun lejn il-lasta iżda pront kien Gabriel Alves Fernandes li ddevja l-ballun f’corner, bil-Pawlisti jeħilsuha ħafif minn kull periklu.
Fit-78 minuta is-sostitut Ukren tal-Wanderers, Daniil Kondrakov, venven xutt qawwi minn pożizzjoni ideali li ħareġ l-aħjar tal-goalkeeper ta’ Hibernians, Ibrahim Kone, li dawwar tajjeb f’corner.
L-iskor baqa’ ma nbidilx sa tmiem il-partita, biż-żewġ timijiet jieħdu punt kull wieħed.
Sliema w.: 22-Rashed Al Tumi, 2-Jean Borg, 9-Vito Plut (10-Samuel Gomes Da Mata 75), 11-Myles Beerman, 13-James Arthur, 15-Gustavo Alcino, 20-Denis Kouau, 21-Neil Frendo, 31-Henrique Murillo, 70-Lydon Micallef (19-Daniil Kondrakov 75), 77-Mohamed Awad – Coach: Paul Zammit
Hibernians: 24-Ibrahim Kone, 3-Ferdinando Apap, 5-Kurt Shaw, 9-Sime Zuzul (6-Lucas Caruana 71), 10-Jurgen Degabriele (17-Isaiah Chukunyere 83), 21-Alex Bruno Da Silva Souza (20-Artem Radchenko 83), 22-Gabriel Izquier Artiles (77-Rodney Antwi 71), 23-Claudio Bonanni, 25-Mamadou Bagayoko, 29-Giannis Bastianos, 99-Gabriel Fernandes Alves – Coach: Branko Nisevic
REFEREE: Malcolm Spiteri
ASS. REFEREES: Jurgen Spiteri, Kurt Saliba
RABA’ UFF: Daniel Casha
SKORERS: Ħadd
AMMONITI: V. Plut, D. Koauo, H. Murilo (SW), S. Zuzul (H)
