Tuesday, April 16, 2024

Kuntrattur mixli li ta daqqa ta’ flixkun lil raġel waqt ġlieda fi stabbiliment

Aqra wkoll

David Borg ta’ 45 sena minn Ħal Qormi li qal li jaħdem bħala kuntrattur wieġeb mhux ħati li kkaġuna ġrieħi gravi fuq raġel meta kien fi stabbiliment tad-divertiment f’San Pawl il-Baħar.

Borg ġie akkużat mill-Ispettur Ryan Vella li dakinhar tal-każ kiser il-bon ordni, u l-kwiet pubbliku.

Il-Prosekuzzjoni qalet li kien nhar il-Ħadd li għadda meta l-Pulizija rċivew rapport fl-Għassa tal-Qawra li kienet seħħet ġlieda fi stabbiliment tad-divertiment.

Hekk kif il-pulizija waslu fuq il-post sabu raġel midrub fejn irriżulta li kien qala daqqa ta’ flixkun tal-ħġieġ f’rasu. Hu ttieħed l-Isptar Mater Dei fejn ġie ċċertifikat li kien qiegħed isofri minn ġrieħi gravi.

Il-Pulizija mill-ewwel bdiet tfittxija għal aggressur li kien ħarab minn fuq il-post. Iżda aktar tard matul il-jum mar minn jeddu l-għassa tal-Qawra.

Id-difiża talbet għall-ħelsien mill-arrest, bil-prosekuzzjoni ma toġġezzjonax. Saret talba biex tinħareġ ordni ta’ protezzjoni fuq l-vittma u l-familjari tiegħu.

Il-Maġistrat Joseph Gatt laqa’ t-talba tad-difiża għall-ħelsien mill-arrest taħt diversi kundizzjonijiet fosthom li jiffirma 3 darbiet fil-ġimgħa l-għassa ta’ Ħal Qormi, jiddepożita s-somma ta’ €1,500 u jagħmel tajjeb b’garanzija personali ta’ €4,000 waqt li ħareġ ukoll ordni ta’ protezzjoni fuq l-allegat vittma.

Il-prosekuzzjoni tmexxiet mill-Avukat Alessia Schembri mill-Uffiċċju tal-Avukat Generali flimkien mal-Ispetturi Wayne Galea u Ryan Vella waqt li l-akkużat għandu jiddefenduh lill-Avukati Keith Borg u Frank Tabone.

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport