L-Assoċjazzjoni Maltija għall-Iżvilupp (MDA) għamlet riferenza għal stqarrijiet riċenti filmidja, inkluż artiklu, li jissuġġerixxi li l-ħaddiema talkostruzzjoni huma fost l-inqas imħallsa fl-ekonomija Maltija.
Dawn it-talbiet jidher illi huma bbażati fuq statistika tal-Eurostat u marbuta ma’ sejbiet fil-Politika l-ġdida ta’ Malta dwar il-Migrazzjoni tax-Xogħol. Madankollu, l-MDA temmen li dawn l-interpretazzjonijiet ma jirriflettux l-istat veru tal-pagi fi ħdan l-industrija tal-kostruzzjoni.
Filwaqt L-MDA tirrikonoxxi l-importanza ta’ analiżi ta’ data sabiex tiġi fformata politika ġdida, tenfasizza nuqqasijiet fl-istatistika li qed tiġi kkwotata. Fost l-oħrajn, id-data talEurostat, li tirrapporta pagi u salarji għal kull impjegat, ma tidhirx li tirrappreżenta profitti ġġenerati minn persuni li jaħdmu għal rashom, li potenzjalment twassal għal sottovalutazzjoni tal-livelli tal-pagi fl-industrija tal-kostruzzjoni.
Din hija ommissjoni sinifikanti minħabba r-rwol sostanzjali li l-individwi li jaħdmu għal rashom għandhom flindustrija tal-kostruzzjoni, li tirrappreżenta proporzjon sostanzjali ta’ ekwivalenti full-time.
Biex tipprovdi perspettiva aktar preċiża dwar is-salarji bażiċi, l-MDA tirreferi għal
statistika mill-Labour Force Survey għal Malta. Skont dawn iċ-ċifri, is-salarju bażiku medju fix-xahar għall-impjegati fis-settur tal-kostruzzjoni kien ta’ €1,678 matul it-tielet kwart tal-2024.
Dan jirrappreżenta żieda ta’ 6.49% meta mqabbel mal-istess perjodu fl2023 (€1,576) [Labour Force Survey Q3/2024 NR 237/2024]. Ta’ min wieħed jinnota illi
jekk wieħed jikkunsidra t-tkabbir fis-salarji bażiċi fuq perjodu ta’ 3 snin mill-2021 sal2024 [dejta tal-2021 miġbura minn NR 043/2022], it-tkabbir annwali fis-salarji bażiċi filKostruzzjoni ta’ 10.88% jeċċedi t-tkabbir annwali medju nazzjonali ta’ 6.78% , li jagħmilha t-tieni l-ogħla żieda settorjali wara s-settur tal-Informazzjoni u lKomunikazzjoni, li rreġistra 11.93% tqum.
Ta’ min jinnota wkoll li dawn iċ-ċifri jeskludu ħlasijiet għas-sahra, allowances u bonuses. L-MDA issostni li l-istatistika tas-salarju bażiku mensili tipprovdi stampa aktar ċara talflus li jieħdu magħhom l-impjegati fl-industrija tal-kostruzzjoni.
L-Assoċjazzjoni żżid li dawn iċ-ċifri jenfasizzaw l-impenn tas-settur illi jkollu pagi kompetittivi u l-benessri talħaddiema tiegħu, kuntrarjament għal dak li jidher f’rapporti riċenti.
Huwa kruċjali li d-diskussjonijiet ta’ politika u l-perċezzjonijiet pubbliċi jkunu infurmati b’data komprensiva u preċiża. Interpretazzjonijiet żbaljati iġorru riskju li joħolqu narrattivi żbaljati dwar l-industrija tal-kostruzzjoni, li hija pedament tal-ekonomija ta’ Malta.
L-MDA tappella għal approċċ aktar sfumat biex tiġi analizzata l-istatistika tal-pagi f’Malta. Dawk li jfasslu l-politika u kwalsiasi parti interessata huma mħeġġa jqisu data li tirrifletti b’mod aktar preċiż ir-realtajiet tal-impjiegi b’salarju fis-settur tal-kostruzzjoni, bħall- Istħarriġ dwar il-Forza tax-Xogħol, biex jiżguraw illi t-teħid ta’ deċiżjonijiet ikunu ġusti u infurmati.
