Mara ta’ 33 sena miż-Żurrieq kellha tittieħed l-Isptar Mater Dei wara ħabta li seħħet għall-ħabta tas-1.45pm fi Triq Lapsi s-Siġġiewi.
Għal xi raġuni l-mara spiċċat ħabtet ma’ vann li kien qed jinstaq minn raġel ta’ 45 sena mir-Rabat. Fuq il-post issejħet ambulanza li ħadet lil mara l-isptar għal aktar kura. Is-sewwieq tal-vann ingħata l-kura fuq il-post, però ma sofra l-ebda ġrieħi.
Il-kundizzjoni tal-mara s’issa għadha mhix magħrufa. Il-pulizija għadhom qed jinvestigaw il-każ.