Mosta FC ħabbru l-akkwist tad-difensur xellugi Brażiljan ta’ 33 sena, Thiago Espindola.
Thiaguinho, kif inhuwa iktar magħruf, lagħab ma’ Tupi FC, Anapolis u Rio Branco EC fil-Brażil qabel ma ġie jilgħab Malta fejn ingħaqad ma’ Hamrun Spartans lura fl-2017. Huwa qatta’ sena mal-iSpartans. Imbagħad kien mar lura l-Brażil fejn kellu perjodu qasir ma’ EC Tigres iżda rritorna Malta fis-sajf tal-2019 biex jiffirma ma’ Sirens fejn qatta’ sentejn, u fl-2021 ingħaqad ma’ Gzira United.
Imbagħad fl-1 ta’ Lulju tas-sena li għaddiet kien ingħaqad ma’ Sliema Wanderers, fejn lagħab staġun wieħed biss.