Minn Cristian Muscat
Kif bdiet l-imħabba tiegħek lejn il-futbol?
L-imħabba tiegħi għall-futbol bdiet meta ħija talabni nagħmel test f’klabb jismu Murici FC, u kien dak il-ħin li nħabbejt mal-futbol.
Kif ġejt tilgħab f’Malta?
Kelli aġent jismu Victo, qalli li kellu proposta għalija, spiċċat għoġbitni, allura rajtha għalija.
Ħa mmur mal-ewwel għall-punt. Kif qed tħares lejn l-esperjenza ġdida tiegħek ma’ Victoria Hotspurs?
Ninsab eċitat ħafna li nilbes il-flokk ta’ Victoria Hotspurs, li nagħti l-aħjar tiegħi f’kull logħba, niskorja gowls u nipprovdi assists, u nirbaħ. L-aktar importanti huwa li nirbħu l-Kampjonat u niksbu l-promozzjoni għall-Malta Premier … dan huwa l-għan tiegħi ma’ Victoria Hotspurs.
X’tikkummenta fuq l-aħħar staġun tiegħek ma’ Tarxien Rainbows?
L-istaġun tiegħi ma’ Tarxien kien wieħed mill-aqwa li qatt kelli.
Xi tgħidli dwar dwar il-livell tal-futbol Malti?
Il-livell tal-futbol f’Malta huwa għoli ħafna għall-plejers barranin li rajt f’Malta li jixtiequ jilagħbu hawn Malta.
Kif qed tħares lejn il-futur aktar ‘il bogħod tiegħek fil-futbol?
Il-futur tiegħi hawn f’Malta huwa li niksbu affarijiet tajbin għall-familja tiegħi.
