Żewġ persuni ttieħdu l-Isptar Mater Dei. Dan wara li l-Ħadd weġġgħu f’inċidenti separati tat-traffiku.
L-ewwel inċident seħħ għall-ħabta tal-11:30 a.m., fi Vjal l-Indipendenza, il-Mosta. Mill-investigazzjonijiet preliminari rriżulta li mara ta’ 65 sena residenti Ħaż-Żebbuġ intlaqtet minn mutur Honda misjuq minn raġel ta’ 33 sena residenti San Ġwann.
It-tieni inċident ġara għall-4:45 p.m., fi Triq Sant’ Andrija, Pembroke. Mill-ewwel stħarriġ irriżulta li seħħet ħabta bejn Toyota Yaris Cross misjuqa minn raġel ta’ 35 sena residenti l-Mosta u mutur Benelli misjuq minn raġel ta’ 27 sena residenti l-Imsida.
Tim mediku ta’ l-assistenza fiż-żewġ inċidenti, fejn il-mara ta’ 65 sena u r-raġel ta’ 27 sena,
ttieħdu l-isptar b’ambulanza, fejn ġew iċċertifikati li weġġgħu b’mod gravi.
L-investigazzjonijiet tal-Pulizija għadhom għaddejjin.