Fi żmien 15-il sena, il-belt ta’ Milan għandu jkollha network komprensiv ta’ korsiji apposta biex in-nies jagħmlu użu mir-roti u hekk jitnaqqas t-tniġġis ikkawżat mill-karozzi.
Dan in-network għandu jkun lest sas-sena 2035 wara li f’Novembru li għadda ġie approvat mill-istess belt.
Huwa mistenni li jitlestew l-ewwel awtostradi sas-sajf li ġej. Dawn l-awtostradi ħa jkunu apposta għaċ-ċiklisti.
Il-proġett hu stmat li se jiswa 250 miljun. L-għan ta’ dan il-proġett huwa li l-poplu jibda jara r-rota bħala l-ewwel għażla biex ikun jista’ jivvjaġġa kemm fil-qalba tal-belt kif ukoll madwar il-kampanja.
Dan il-proġett mistenni jtejjeb is-sitwazzjoni tal-belt hekk kif f’dan l-istadju hija kkunsidrata bħala waħda mill-aktar li tikkawża tniġġis fl-Ewropa.