Sliema ASC ħabbru l-ħatra ta’ Quim Colet bħala Direttur Tekniku u Kowċ tat-Tim tal-Kbar tal-Irġiel għall-Kampjonat tas-Sajf 2026.
Bħalissa Kowċ ta’ CN Sabadell u eks kowċ mat-Tim Nazzjonali Spanjol tal-Irġiel f’żewġ Logħob Olimpiċi, il-Kowċ Quim iġib miegħu esperjenza internazzjonali eċċezzjonali u filosofija ppruvata ta’ prestazzjoni għolja għall-aktar klabb tal-waterpolo ta’ suċċess ta’ Malta.
Dan is-sajf, huwa se jmexxi programm komprensiv ta’ prestazzjoni għolja mmirat biex jgħolli l-livell tekniku u tattiku tat-tim hekk kif nippreparaw għas-Sajf League tal-2026.
Il-Kowċ Quim se jkun appoġġjat minn Ferran Pascual u staff addizzjonali mill-BIWPA (Barcelona International Water Polo Academy), u b’hekk isaħħaħ aktar l-istruttura teknika ta’ Sliema.
L-istruttura tat-tim se tinkludi wkoll l-iStrength and Conditioning Coach Edward Bonello u t-Team Manager John Brownrigg.
Sliema ASC irringrazzjaw b’mod speċjali lill-isponsors tat-Tim tal-kbar, Techfinity Hub Ltd, li l-appoġġ kontinwu tagħhom jgħin biex dan ikun possibbli.