Fil-Kampjonat Taljan, Napoli rritornaw għar- rebħ meta għelbu lil Sampdoria bl-iskor ta’ 2-0 biex fetħu seba’ punti vantaġġ f’ras il-klassifika fuq l-eqreb rivali Juventus.
Il-goals waslu minn Victor Osimhem (19) u Eljif Elmas (82 pen) wara li Matteo Politano (6) falla penalty għall-Partenopei
Sampdoria kellhom lil Tomas Rincon (38) imkeċċi għal karta ħamra diretta wara foul professjonali.
Salernitana v Torino – Salernitana laqgħu lil Torino u temmew fi draw ta’ 1-1.
Kien Antonio Sanabria (36) li fetaħ l-iskor għall- Granata iżda Tonny Vilhena (49) kiseb id-draw għat-team ospitu.
Lazio v Empoli – Lazio fallew vantaġġ ta’ żewġ goals biex kellhom jikkuntentaw fi draw ta’ 2-2 kontra Empoli.
Kienu Felipe Anderson (2) u Mattia Zaccagni (54) li fetħu vantaġġ doppju għal Lazio iżda Francesco Caputo (83) u Razvan Marin (92) salvaw ir-riżulta għal Empoli.
Spezia v Lecce – Il-partita bejn Spezia u Lecce kienet l-unika waħda li spiċċat fi draw ta’ mingħajr goals.