Fis-Serie A, Roma marru għand Como u spiċċaw fi draw ta’ mingħajr goals biex fallew żewġ punti u naqsu milli jżommu l-pass fil-quċċata tal-klassifika ma’ Inter.
Iżda min-naħa l-oħra huma żammew ir-rekord tagħhom ta’ bla telfa minkejja li lagħbu b’għaxar players għal parti kbira mit-tieni taqsima. Donyell Malen tkeċċa ftit wara l-mistrieħ għal daħla perikoluża fuq Kaiki.
Como ppruvaw jisfruttaw is-superjorità numerika, iżda l-goalkeeper, Pierluigi Gollini, wettaq interventi importanti, partikolarment fuq Nico Paz.
Iż-żewġ timijiet issa jiffukaw fuq l-impenji tagħhom fiċ-Champions League nhar l-Erbgħa.
