Donyell Malen u gowl tard ta’ Niccolò Pisilli għenu lil Roma jżommu r-rekord perfett fis-Serie A, hekk kif għelbu lil Torino 2-0 barra minn darhom.
Din kienet ir-raba’ rebħa konsekuttiva ta’ Roma fil-kampjonat, wara li qabel għelbu lil Atalanta 2-1. Ftit jiem wara d-draw 1-1 kontra Fenerbahce fiċ-Champions League, Roma reġgħu wrew is-saħħa tagħhom.
Malen, li kien diġà skorja f’dan il-ground f’Jannar li għadda, kellu diversi opportunitajiet qabel fetaħ l-iskor. Fit-22 minuta huwa sab ix-xibka, iżda l-goal ġie annullat minħabba offside. Madankollu, aktar tard Paulo Dybala approfitta minn żball ta’ Lucas Perri u serva lil Malen, li wara li l-ewwel tentattiv tiegħu ġie salvat, irnexxielu jixħet il-ballun fix-xibka minn distanza qasira.
Torino ppruvaw jagħmlu reazzjoni u Giovanni Simeone resaq viċin li jiskorja, iżda Mile Svilar kien pront joħroġ minn postu u antiċipa t-tentattiv tiegħu.
Fl-aħħar minuti, Pisilli żied it-tieni goal biex issiġilla t-tliet punti għal Roma.
