Zheng Qinwen saret l-ewwel tennista Ċiniża li rebħet iċ-China Open f’Beijing wara li għelbet lir-Russa Mirra Andreeva 7-5, 6-4 fil-finali.
Zheng, li daħlet fit-tournament permezz ta’ wild card u kienet klassifikata fil-54 post fid-dinja, salvat tliet set points fl-ewwel set qabel kisbet rebħa impressjonanti kontra r-raba’ seed.
Għat-tennista ta’ 24 sena, dan kien l-ewwel titlu tagħha fil-kategorija WTA 1000 u s-sitt wieħed fil-karriera tagħha. I
Dan is-suċċess temm nixfa ta’ sentejn mingħajr titli, wara perjodu diffiċli kkaratterizzat minn problemi ta’ forma u saħħa, inkluża operazzjoni fil-minkeb is-sena l-oħra.
Minkejja t-telfa, Andreeva, ta’ 19-il sena, mistennija titla’ fit-tielet post tar-rankings mondjali. Zheng, min-naħa tagħha, mistennija titla’ 31 post għall-23 post u se tikkompeti fil-Wuhan Open nhar it-Tlieta.
