Sfortunatament, il-mara ta’ 24 sena fl-aħħar sigħat tilfet ħajjitha fl-Isptar
Mater Dei.
L-Inkjesta Maġisterjali u l-investigazzjonijiet tal-Pulizija għadhom għaddejjin.
Fis-7 ta’ Jannar : Mara fil-periklu tal-mewt u oħra bi ġrieħi gravi f’inċident fil-Fgura
Mara ta’ 24 sena qed issofri minn ġrieħi serji, filwaqt li mara oħra ta’ 34 sena qed issofri minn ġrieħi ta’ natura gravi. Dan wara li lbieraħ għall-ħabta tat-8:00 p.m, kienu involuti f’inċident tat-traffiku fi Triq Hompesch fil-Fgura.
Mill-ewwel stħarriġ irriżulta li ż-żewġ nisa, intlaqtu minn Toyota Hilux li kienet qed tinstaq minn mara ta’ 20 sena residenti Birżebbuġa.
Il-vittmi ngħataw l-għajnuna minn tim mediku, ittieħdu l-isptar b’ambulanza.
Bil-każ ġie infurmat il-Maġistrat tal-Għassa Dr Ian Farrugia LL.D li fetaħ inkjesta filwaqt li linvestigazzjonijiet mill-Pulizija għadhom għaddejjin.
Ilbieraħ filgħaxija: Żewġ persuni l-Isptar wara li ttajru minn vann fil-Fgura
Żewġ persuni kellhom jiddaħlu l-Isptar wara li għall-ħabta tat-8.00pm ittajru minn vann fi Triq Hompesch fil-Fgura.
Fuq il-post mar tim mediku li ħadu lill-persuni l-Isptar, iżda l-kundizzjoni tagħhom s’issa għadha mhix magħrufa.
It-triq tinsab magħluqa għat-traffiku.
Il-pulizija qegħdin jinvestigaw il-każ.
