Ftit tal-jiem ilu, eżattament fil-5 ta’ Jannar, għal familja ġewwa Liverpool dan il-jum kien wieħed iktar speċjali minn oħrajn hekk kif kienu qed jiċċelebraw l-10 anniversarju minn meta binthom għamlet operazzjoni li salvatilha ħajjiitha.
Izabelle Toole twieldet wara 34 ġimgħa ġewwa sptar f’Liverpool tiżen 1.67kg.
Għall-bidu kollox deher tajjeb iżda ċ-ċkejkna beda jkollha diffikultajiet biex tieħu n-nifs u qattgħet l-ewwel ftit jiem ta’ ħajjitha fit-Taqsima tal-Kura Intensiva.
Il-ġenituri tagħha Elanor u James minn Liverpool, Merseyside, stqarru li ma kienx mument faċli meta t-tobba qalulhom li kellha bżonn operazzjoni f’qalba minħabba kundizzjoni li tissejjaħ ‘ventricular septal defect’ li jfisser li kellha toqba f’qalbha.
It-tobba qalulhom li kellha bżonn tagħmel operazzjoni qabel ma ċ-ċkejkna tagħlaq sentejn u l-ġenituri ħasbu li l-aħjar ħaġa kienet li tagħmilha mal-ewwel u fil-fatt Izabelle kellha biss sitt xhur meta għamlet din l-operazzjoni li tista’ tgħid tassew kienet kruċjali biex issalvalha ħajjitha.
Il-familja qalet li għadha qed tipproċessa t-trawma li għaddew minnha u trid tqajjem kuxjenza dwar l-importanza tar-riċerka.
Missierha ddeskriva lit-tifla tagħhom, li llum għandha għaxar snin, bħala persuna meraviljuża u ferħana, bil-ħolma tagħha li ssir make-up artist.