Real Madrid kisbu rebħa drammatika ta’ 3-2 kontra AEK Athens f’partita mill-UEFA Champions League.
It-tim Grieg fetaħ l-iskor fit-12-il minuta permezz ta’ Aboubakary Koita, iżda Jude Bellingham kiseb id-draw għal Real Madrid fit-32 minuta.
AEK reġgħu marru fil-vantaġġ fil-75 minuta permezz ta’ Stavros Pilios, iżda Kylian Mbappé wieġeb tliet minuti wara biex għamel l-iskor 2-2.
Meta kollox deher li dan il-konfront kien se jintemm fi draw, Federico Valverde skorja l-goal tar-rebħa fit-92 minuta b’xutt mill-isbaħ minn barra l-kaxxa.
AEK temmew il-partita b’10 plejers wara t-tkeċċija ta’ Koita fil-ħin miżjud.
