Arsenal għelbu lil Lille bl-iskor ta’ 3-0 liema rebħa mmaturat fit-tieni taqsima biex il-Gunners irreġistraw l-14-il rebħa konsekuttiva tagħhom fil-fażi tal-kampjonat.
Wara l-ewwel taqsima mingħajr gowls, Jurrien Timber fetaħ l-iskor fis-64 minuta b’konklużjoni mill-isbaħ. Tliet minuti wara, Eberechi Eze rdoppja l-vantaġġ wara azzjoni mibdija minn Bukayo Saka, li kien għadu kemm daħal bħala sostitut.
Imbagħad l-istess Saka ssiġilla r-rebħa fis-71 minuta, wara pass ta’ Kai Havertz.
B’din ir-rebħa, Arsenal komplew jikkonfermaw il-qawwa tagħhom fl-Ewropa, filwaqt li Lille sofrew id-disa’ telfa konsekuttiva barra minn darhom kontra timijiet Ingliżi f’kompetizzjonijiet Ewropej.
