Lisandro Martinez ikkritika lit-tmexxija ta’ Manchester United wara t-telfa ta’ 2-0 kontra Atletico Madrid, u sostna li l-coach Michael Carrick mhux qed jingħata biżżejjed appoġġ.
Minkejja li l-club nefaq £163 miljun fis-sajf, id-difensur Arġentin talab aktar investiment mingħand id-direttur tal-football, Jason Wilcox, biex tinbena skwadra aktar kompetittiva.
Martinez ammetta li l-players għandhom jagħmlu aktar, iżda saħaq li r-responsabbiltà ma tistax taqa’ biss fuqhom u fuq il-coach.
Iżda Wayne Rooney ikkritika dawn il-kummenti, u wissa li jistgħu joħolqu firda fid-dressing room, b’nuqqas ta’ rispett lejn players ġodda.
Carrick qal li l-kummenti setgħu kienu riżultat tal-emozzjonijiet wara t-telfa, iżda insista li l-iskwadra għadha magħquda.
