Thursday, December 2, 2021

Żewġ persuni jitilfu ħajjithom wara li raġel waqa’ minn għoli ta’ seba’ sulari waqt kunċert

Aqra wkoll

Żewġ persuni tilfu ħajjit­hom filwaqt li persuna oħra sofret ġrieħi wara li raġel waqa’ seba’ sulari waqt kunċert ta’ grupp li jimita lil ABBA li kien qiegħed isir f’sala tal-kunċerti ġewwa l-Iżvezja.

Madwar 1,000 persuna kienu miġburin fis-sala Uppsala Konsert & Kongress ġewwa l-kapitali Stokkolma. L-inċident seħħ 30 minuta wara li beda l-kunċert meta għal xi raġuni raġel waqa’ minn għoli u ġie fuq żewġ persuni. Ir-raġel miet mal-waqgħa filwaqt li persuna oħra tilfet ħajjitha kawża tal-ġrieħi li ġarrbet hekk kif dan ir-raġel waqa’ fuqha. It-tielet persuna sofriet ġrieħi iżda mhix f’riskju li titlef ħajjitha. 

S’issa ftit li xejn hemm dettalji dwar il-vittmi. Min-naħa tagħhom il-pulizija qalu biss li r-raġel li waqa’ għandu fuq it-80 sena u r-raġel l-ieħor li miet għandu fuq is-60.

Sport