L-influencer kontroversjali Andrew Tate u ħuh Tristan ġew arrestati fl-Istati Uniti wara li l-awtoritajiet Brittaniċi ħabbru li kienu se jressqu aktar akkużi kontrihom.
Il-Crown Prosecution Service (CPS) tar-Renju Unit qal li Andrew Tate qed jiġi akkużat b’seba’ akkużi oħra ta’ stupru, kif ukoll akkużi oħra relatati ma’ allegati reati inkluż traffikar sesswali u pornografija tat-tfal.
Tristan Tate ġie akkużat b’akkuża waħda ta’ aggressjoni sesswali, żewġ akkużi ta’ stupru u tliet akkużi ta’ arranġament jew faċilitazzjoni ta’ traffikar għal sfruttament sesswali.
L-allegati reat jingħad li seħħew bejn Lulju 2010 u Awwissu 2017. L-aħwa Tate kienu ċaħdu kwalunkwe għemil ħażin.
Is-CPS qalet fid-dikjarazzjoni tagħha li talbet l-estradizzjoni tal-aħwa, li għandhom ċittadinanzi Brittaniċi u Amerikani, mill-Istati Uniti. Avukat li jirrappreżenta lill-aħwa Tate, Joseph McBride, qal li “d-dinja taf li Andrew u Tristan huma innoċenti” fi stqarrija maħruġa wara l-arrest tagħhom nhar is-Sibt filgħaxija.